Vegleiðing
Her ber til at leita eftir fastognum og akførum og síggja rættindi knýtt at ognunum.
Um tú ritar inn við Samleikanum, fært tú fleiri upplýsingar. Eitt nú sæst tá keypspeningurin á tinglýsingarváttanini, og tú hevur atgongd til skjølini í málinum.
Um tú er ritað/ur inn og leitar eftir akfari, sært tú veðsetingar tinglýstar á viðkomandi akfari.
| Uttan innritan | Við innritan | |
|---|---|---|
| Tinglýsingarváttan uttan keypspening |
|
|
| Tinglýsingarváttan við keypspeningi |
|
|
| Atgongd til skjøl |
|
|
| Akfarsbók |
|
Leitan eftir fastogn
Leitað verður við matrikulnummari og markatalsbygd. Matrikulnummarið sæst á Føroyakort.
Aktir
Akt er heitið fyri samlaðu tinglýsingarskjølini í einum máli, eitt nú skeyti, byrðar og veðbrøv.
Aktirnar eru skannaðar í síni heild, tvs. sum eitt pdf-skjal. Tað kann tí vera neyðugt at hyggja alt pdf-skjalið ígjøgnum fyri at finna einstaka tinglýsingarskjalið, leitað verður eftir.
Nýggj skjøl
Nýggj skjøl verða gjørd atkomulig í skipanini 1-2 ferðir um árið, og verða løgd afturat sum partur 2, partur 3 o.s.fr. Hetta merkir, at skjøl, ið eru skannaði seinni, kunnu broyta rættarstøðuna, sum hon sær út í parti 1.
Um tørvur er á skjølum, sum enn ikki eru atkomulig, verður víst til Tinglýsingina, sí Samband.
P-tøl
P-tøl eiga at verða strikaði í aktunum. Finnur tú eitt p-tal, vinaliga boða okkum frá.
Er feilur í?
Set teg í samband við okkum, um tú heldur, at feilur er í eini skráseting. Vend tær til Tinglýsingina, sí Samband.
Akfør
Skipanin inniheldur upplýsingar um møguligar veðsetingar í akførum. Leitað verður við skrásetingarnummari ella skrokknummari. Tað seinna er tryggari at leita við, av tí at tað ber til at skifta skrásetingarnummar á akførum.
Skipanin inniheldur ikki upplýsingar um eigarar ella skannaði skjøl. Eigaraskráseting fer fram hjá Akstovuni.
Samband
Skriva teldupost til tinglysing@us.fo ella ring á tlf. 358020 millum kl. 10-12 yrkadagar. Vegleiðing verður eisini veitt yrkadagar uttanfyri telefontíð á tlf. 342400.
